ليكي نصايح خوديهم مني

1- لو بتحبي حد ما تديهوش اكتر من كلام كلام حقيقي من جوة قلبك بس مش اكتر من كدة
2- لو غلطتي قبله مش انصحك انك تحكي عشان كل شوية اما يزعل معاكي هييجي يقولك انتي عملتي و خليتي و هيفضل طول عمره شايلهالك حتى لو اتجوزتو
3- مش تقولي لحد من صحابتك انا مرتبطة انا بحب هو بيحبني والكلام دة لأن السر لو طلع من بين اتنين مش يبقى سر و حاليا لو طلع من دماغ او قلب واحد مش يبقى سر
4-ماتخليهوش يقول لحد عن علاقتكو و مش تخليه يقول لأهله لسبب واحد يوم ما ييجي يطلب ايديكي اهله هيقولوله مش دي الي انت كنت ماشي معاها
5-ماتحاوليش تقابليه من ورا اهلك يعني من الاخر مش تقابليه ولو حصلت و قابلتيه مش تتقابلو في مكان مقفول لآ اتقابلو ادام الناس
6- مش انصحكو تروحو مكان في كابلز كتير عشان الاداب بيتردد على الاماكن دي كتير و غير كدة هتحسو انكم شكلكو غبي اوي هتعدو تقولو شايف ماسك ايديها شايف بيبوس فيها شايف حاضنها و انتو هتستنقصو نفسكو بعدها
7- لو عايزة تحكي لحد واحتجتي نصايح بجد قولي لمامتك مامتك هي دليلك لآن كلمتها مش هتنزل مهما كان هتقولك اعملي كذا لو مش عملتيه هتلاقي ان كلامها هو الصح وانتي الغلط
8- مش تحاولي لو مرتبطة بحد انك تزوغي من محاضراتك لو انتو مع بعض في الجامعة يعني مش تحاولي تزوغي و تعدي معاه لآن لو مش حصل نصيب و حد جه سأل عليكي هيقولولو دي كانت ماشية مع فلان
9- مش انضحك انك تتدخلي في اي حاجة في الموضوع دة يعني مثلا جه يقولك صحبي معجب بكذا و كلميهالي اعرفي ان الاتنين عايزين يحورو و يتسلو و كبري دماغك من الحوارات دي و ابعدي عنه
10- لو قلبك قلك في لحظة ان الي ادامك دة عايزك عشان اي حاجة اي غرض في دماغه ابعدي عنه لآنه دليلك ولو قلبك مش قالك يبقى فكري بعقلك و هتلاقي نفس الكلام ابعدي عنه
11- مش تحاولي توهمي نفسك ان دة بيحبك او دة بيكرهك لآ حاولي انك تكوني واقعية مع اني عارفة الحب و سنينه مش ينفع الواحد يكون واقعي فيه لآن كل واحد بيقفل عقله و بيسخر قلبه و نفسه لحبيبه
12- انصحك نصيحة من الاخر مش بقة في حب حقيقي غير في ناس قليلة اوي كل الناس دلوقت مصالح او تسلية يعني بلاش تحبي و لو عايزة تحبي حبي اصدقائك حبي اهلك حبي مستقبلك حبي جوزك اما تتجوزي لكن حب غير رسمي دة ولا حلال ولا حاجة بالعكس انتي تبقي بتضيعي نفسك