النشاليــــن والعيــــــــــــــد

امبارح مش قادرة اقولكم كم حالة نشل وكم حالة سرقة وكم حالة تحرش وكم حالة استظراف

نبتدي بالنشل

طبعا الدنيا في اسكندرية زحمة اوي امبارح . احنا سافرنا اسكندرية عشان نوصل للمكان اللي احنا عايزينه مش عارفين

وسموحة متقفلة

زحمة جداااااااااااااااا

قولنا ندخل جرين بلازا في سينيما هناك

ماعرفناش من الزحمة

فضلنا ماشين لحد ما وصلنا محطة الرمل

قولنا ندخل امير يعتبر انضف سينيما في المنطقة دي

بس امبارح ماكنتش نضيفة ابدا

لاقيت اشكال غريبة عيال صغيرة وماسكة سجاير

والفاظ رائعة

وبنات لابسين لبس غريب

وبابا دخل يحجز تزاكر السينيما ماما قالت موبايل بابا هيتسرق

بس الحمد لله ماجتش فيه

جت في حاجة اهم

مفاتيح العربية

الحرامي سرق مفاتيح العربية بالماديلية اللي فيها مفاتيح شقة اسكندرية وشقة دمنهور ومكتب بابا في البيت ومكتب بابا في الشغل

وسرق 190 جنيه كمان

وشوية فكة

بابا طبعا طلع

وقال لاقيت تزاكر فيلم هي فوضى

وماشين

فجأة قال مفاتيح العربية مش معاية

قال طب نروح الجراج

روحنا الجراج ودوخنا

وراح ناحية السينيما سأل الراجل بتاع شباك التزاكر

مافيش حد لقا حاجة

اتأكدنا انها اتسرقت

لما اعدنا على كافي

وفجاة بابا بيحاسب مالاقاش الفلوس اللي كانت في جيب الجاكت موجودة

تنح كدا

الراجل بيقوله في حاجة

قاله انا اتنشلت

وراح محاسب وماشي

وفضلنا ماشين اعدين نضحك ضحك هيستيري على خيبتنا

واتصلنا بخالي قولنا جايز ينزل يجيب لنا اي حد يشوف الموضوع دة

اعد يضحك

وقولنا نقضي يومنا

دخلنا السينيما عادي جدا

واستمتعنا بالفيلم

وبعدين خرجنا

كانت الساعة 2 ونص

لاقينا السما كدا شكل الدنيا هتمطر

واحنا راسمين يااما هنعد نلف للصبح وبعدين نروح لخالي

يا اما هنروح مواصلات

لأن مفاتيح شقتنا مش معانا

وبعدين اخوية حاول يفتح العربية

واتفتحت

ولاقينا جوة مفتاح تاني

وروحنا الحمد لله

نيجي للسرقة بقة

واحدة بنت ماشية واحد خطف منها شنتطها

ولا حد اتحرك

الولاد راحو وقفو جنبها اعدو يهدوها

والتحرش بقة

سمعنا صوت صوييت جامد اوي

لاقينا شوية ولاد بيتحرشو ببنات والناس واقفة تتفرج

كأننا بناكل لحم خنازير

ولاقينا شوية بنات بتستظرف بعد الصويت دة

عمالين يصوتو

فعلا زي ما الفيلم قال

(( هي فوضى))

شوفت نفسي .

شوفت نفسي فيها . ضيعت لياليها . وضاع منها باديها اعز ما تتمناه
ضاعت منها روحها . وزادت والله جروحها . وحبيبها لسه ساكت برغم صوت الآه
شوفت نفسي انا في عينيها . وفي عينيه شوفت السكوت
دموعها وسهر لياليها ومافيش فايدة ومافيش صوت
شوفت الدنيا حلوة وفجاة تبقى دنيا آسية علينا
دنيا احنا جرحنا فيها ولا هي جارحة فينا
شوفت نفسي فيها . ضيعت لياليها . وضاع منها بايديها اعز ما تتمناه
ضاعت منها روحها . وزاددت والله جروها . وحبيبها لسة ساكت برغم صوت الآه

صوت الآه خلتني . ابكي انا بدلها . فكرتني بيا وبكيت ادامها
فكرتني بحبيبي . لما ظلم فيا . لما صدق غيري لما جه عليا
شوفت فيه انسان اناني . عايز يهجر يبعد بس
وفي حياته حد تاني . ازاي بيها بس يحس
ازاي بيها بس يحس
شوفت نفسي انا في عينيها . وفي عينيه شوفت السكوت
دموعها وسهر لياليها ومافيش فايدة ومافيش صوت
شوفت الدنيا حلوة وفجاة تبقى دنيا آسية علينا
دنيا جرحنا فيها ولا جارحة فينا

شوفت نفسي فيها . ضيعت لياليها . وضاع منها بايديها اعز ما تتمناه
ضاعت منها روحها . وزاددت والله جروها . وحبيبها لسة ساكت برغم صوت الآه

يوم الوقفة وايام العيد

يالا كل واحد يلبس الحتة اللي عالحبل زي ما بيقولو

ويحط جيل وياخودله دش

والبنات اللي تروح تعمل شعرها في الكوافير او تعمل ميكب فيه وتلبس الضيق والقصير ويالا بينا ننزل البلد ولعة اوي

مش دة اللي بيتقال؟؟

يا هايف يا هايفة

انت نازل عشان تعاكس وانتي نازلة عشان تتعاكسي

طب بتستفيدي ايه؟

والله بمنظرك دة بعد ما بيشوفك بيتف عليكي

وليه يوم الوقفة بالذات اللي كل البنات بتبقى عايزة تنزل

وكل الولاد كأنهم رايحين يتجوزو

ربنا يهديكو

بس انا عايزة اعرف ليه بقينا هايفين للدرجة دي؟؟

الهيافة بقت في دمنا؟

وكل واحد يقول دي صحبتي

دي انا مسافر معاها

دي ودي ودي

والبنت دة صحبي

دة نازل يلف معاية

تعالي نعدي من ادامه

لأمتى هنفضل كدا؟؟؟

مش ناوين نكبر ابدا

حولــــــــــــــــــت

اللي ماكنتش عايزة اعمله قولت اعمله عشان اريح اهلي من القلق عليا وحولت فعلا جامعة اسكندرية فرع دمنهور

وهناك لقيت نفسي مع انتمتي بتاعة الثانوي ولقيت نفسي مع اصحابي

بس مش حاسة انهم اصحابي

واتصاحبت على ناس كتير جدا . وخسرت الناس اللي كانت بترد هنا في المدونة

ماعدا نورا ربنا يخليهالي بجد

تقريبا موضوع الاغاني والوسط دة طلعته من دماغي خالص

وبدات اكتشف في كل الناس اللي حوليا حاجات ماكنتش اعرفها

اولهم اللي انا كنت مرتبطة بيه دة اكتشفت فيه حاجات كتير وسمعت كلام عجيب

خلاني ابقى قوية اوي وانا بعيد عنه برغم اني حسيت اني بعد ما سيبته حسيبت اني مش ليا ضهر

بس دلوقت اصحابي ماليين عليا الدنيا وبيحبوني وبحبهم

احنا في العيد وكل سنة وانتو طيبين

ادعولي امتحاناتي كمان 10 ايام

ربنا يسترها معانا كلنا

مهتم بيا ليه . كتبتها وانا عالبحر

مهتم بيـــا ليـــه .. عايز توصل لآيه
لا انسى اللي انت عايزه . واعرف حدودك فين
صعبان عليك قلبي .. وعايز تبقى جنبي
وكل اللي انت شايفه . ماعرفتش جالي منين

صحــبك جرحني ... وراني الويــــل . وبحبه دبحني
صحـــبك جرحني ... سهرني الليل . ابعد ريحـــني
قلبي مابقاش يعرف يحب . قلبي مش عايز يجرحك
لو انت كنت الي في القلب . كان زمانه فرحـــــك

صعبانة عليك جراحي .. بتقول لروحي ارتاحي
لا مش هقدر ارتـــاح . اكيد حاسس بناري
ايوة حبيته هــــو .. برضايا ماكنش بقوة
مش قادرة احب تاني . ولا قادرة اخود بتاري

صحــبك جرحني ... وراني الويــــل . وبحبه دبحني
صحـــبك جرحني ... سهرني الليل . ابعد ريحـــني
الحب خلاص ضاع مني . حبك ليــا مش هيرجعه
لو عايز تطمنــــــــي . حبك ليـــــــا ودعه

انا مزوغة من اهلي عشان انزل الاغنية دي
هههههههههههههه
ادعولي بقة سفرية مطروح تبقى جامدة زي مارينا كدا

يالا بينا نعمل دماغ

طبعا كلكم مستغربين من اسم التوبيك
بس للاسف ملاقتش اسم تاني اكتبه (( يالا بينا نعمل دماغ )) (( يالا بينا نصطبح ))
للاسف انا مش عارفة اقول ايه على الشباب الهايف التافه الشباب دلوقت همه المخدرات وبس ومش بعمم لأ بس ناس كتير همها كدا
طب ايه اسباب دة ؟؟
انك مش لاقي شغل
ولا فاشل في تعليمك
ولا صحبتك سابتك
ولا باباك منفصل عن مامتك ؟؟
والنبي عايزة اجابة مقنعة
...................
.للاسف مافيش الشباب دلوقت بقة عايز يسكر وينسى كل حاجة بيمر بيها فاكر ان دي حاجة حلوة وفاكر ان دي هتنفعه يقولك هعمل دماغ لأ للاسف انت مش بتعمل دماغ انت عندك واحدة .. وانك تشرب تبقى بتدمرها مع الوقت ممكن مش تقدر تعيش من غير ما تشرب حشيش مثلا عادي اتعودت عليه مش ادمان او كدا بـــــــس مع الوقت هتلاقي الناس بعدت عنك وهتلاقي رجلك جابت بلاوي تانية حتى البنات بقت بتشرب طب لو السبب ان الولاد بتشرب حشيش هي البلد والمجتمع والبطالة والفشل
البنات بتشرب برضه عشان البطالة؟؟؟؟
ما انا عايزة سبب مقنع
اي شاب يقولك عادي
والي يقولك عادي يبقى ماعندوش رد وعارف انه غلط اكيد
في دافع دفع الشباب لكدة؟؟
التربية ؟؟طب ما في ناس اتربت كويس جداوبقو بيشربو
الاصحاب ؟؟
طب ليه اتلمو عالاصحاب
ولالشخصية ؟؟
طب منين الشخصية اتكونت كدا؟
؟
اجابة السؤال 3 اسئلة

التربية .... طبعا مرحلة المراهقة من اهم المراحل .. وليها معاملة خاصة لو المعاملة دي اتغلط فيها بحاجة واحدة ... بوظت الدنيا نتيجتها ... الاصحاب .. الي هما بقة بيبقو اصل البلاوي لو الاصحاب سوء .. بتبقى كارثة نتيجتها ... الشخصية ........... ممكن واحد يقعد لك مع مليون واحد بيشرب ولا يفكر انه يشرب شخصيته كدا اتربى على كدا واصحابه القريبين منه كداوفي واحد يشرب ليل نهارشخصيته كدا واقرب الناس ليه كدا بس الي كون شخصيته تربيته مع اصحابه تربيته كانت غلط .. واصحابه سوء

طب ايه هنفضل كدا؟؟

ديو بيني وبين الشاعر الجميل ماندو.

حب وسلام

عرفتك عرفت اعيش
ووصلت لفوق السحاب
حلفت ان غيرك ماليش
لا ناس ولا احباب

ــــــــــــــــــــــــــــــــــ
حسيت معاك ب الامان
وحضنك بيت دفا وحنان
ف قلبك ليا مهما كان
حب وسلام

ـــــــــــــــــــــــــــــــــــ
غيرتى حياتى ودنيتى
بقيتى كل حاجة ليا
بصى فعينيا واسكتى
وقربيلى وحسى بيا

ــــــــــــــــــــــــــــــــــ
محيت من قلبى اى جراح
واى عزاب حسيت بيه
مليت ايامى ب الافراح
حبك مش هعيش غير ليه

ـــــــــــــــــــــــــــــــــــــ
يا سلام على كلمة حبيبى
لما بسمعها منك
انا بعترف انك نصيبى
وعمرى ما هبعد عنك
ــــــــــــــــــــــــــــــــــ

انا عايشة بس عشان اهواك
روحي بتناديك
منايا اعيش العمر معاك
والله انا روحي فيك

ــــــــــــــــــــــــــــــــــــــــ
اوصفلك ايه واحكيلك ايه
ياللى جمالك زاد عليا
حبك خلاص دوبنى فيه
وبقيتى اغلى الناس فعينيا

ــــــــــــــــــــــــــــــــــــــ
انا ملك ليك وحبي فيك
كل يوم بيزيد جوايا
انا عايشة ليك وعايشة بيك
انت حبي انت هوايا

ادعيـــلك انك فوقتني قبل فوات الاوان
لأنك حبيبي علمتني ازاي مابقاش خسران
فهمت الدنيا . فهمت الناس ...... يعني انا الكسبان

انا مش فرحـــان . لما حبك راح من قلبي
والله انا تعبان . و محتاجك كتير جنبــــــي
بس خلاص الوقت العدا .... والحب راح
ايوة قلبي قدر ينسى .... من حبك الجراح
يعني عشت ليك سنين .. ولما فارقتك بكلمتين
كان نفسي اقولك . رجع جوايا ليك الحنين

ادعي عليك على كل اللي عملته فيا
على كسرة قلبي منك و خيانتك ليا
ولا كفاية . خلاص كفاية ..... مش هتعيش بيا

انا مش فرحـــان . لما حبك راح من قلبي
والله انا تعبان . و محتاجك كتير جنبــــــي
بس خلاص الوقت العدا .... والحب راح
ايوة قلبي قدر ينسى .... من حبك الجراح
يعني عشت ليك سنين .. ولما فارقتك بكلمتين
كان نفسي اقولك . رجع جوايا ليك الحنين

dwe

مش قولتلك زمان رهـــان .. بكرة ترجعلي ندمان .. واديك جي ليا تاني .. بتقولي انا غلطان
.. طب عايزني اعملك ايه ... الحب عندك يعني ايه ... سامحني يا حبيبي خلاص .. كما تدين تدان

خلاص طلعت عليك .. كل اللي عملته فيا زمان ... ارتاح و ريح عينيك
من دموعها . كفاية حرام
ياريتني كنت اسيت عليك يا حبيبي زمان . زي ما اسيت عليا و سيبتني كتير حيران

مش قولتلك بكرة هترجعلي .. وهقولك يالا ودعني .. يعني المفروض اني اسامح .. ابعد عني وارحمني
مستحيل ارجعلك تاني .. مستحيل احبك تاني .. جرحت فيا وجرحت فيك .. يالا سلامك سمعني

خلاص طلعت عليك .. كل اللي عملته فيا زمان ... ارتاح و ريح عينيك
من دموعها . كفاية حرام
ياريتني كنت اسيت عليك يا حبيبي زمان . زي ما اسيت عليا و سيبتني كتير حيران

سبتيني .. قصة حقيقية برضه

سبتيني .. من غير ماتقولي ســــلام
علشان.. حب في الاوهــــــــــــام
مش عارف هترجعيلي .. ولا خلاص نستيني
وحبيتي غيري ..... ولا دة كان كلام
مش عارف احب تاني .. حضنك هو مكاني
وهو اللي خلاني ..... اعيش الاحلام

سيبتي قلب كان شاريكي .. سيبتيه علشان ضمك
وكان حياته ملك ليكي .. وهو بس اللي حبك
روحي لغيــره . وهترجعيله .. وساعتها ولا هيسأل حبيبتي فيـــكي

سبتيني .. وانا كنت محتاج ليكي
راح فين .. حبك ليا وشوق عينيكي
يعني انساكي خلاص .. و افوق من الاحساس
احساس قلبي بيكي .. ولا افضل احبك
ما انا مستحيل انساكي .. هعيش على ذكراكي
ولو رجعتيلي .. مش هعرف ارجعلك

سيبتي قلب كان شاريكي .. سيبتيه علشان ضمك
وكان حياته ملك ليكي .. وهو بس اللي حبك
روحي لغيــره . وهترجعيله .. وساعتها ولا هيسأل حبيبتي فيـــكي

حاسس قلبي بيك. بعد التعديل . قصة حقيقية

حاسس قلبي بيك.. وباللي عايز تقوله
واللي بنتمناه .. مستحيل نطوله

الظروف كات اقوى منا .. والفرح غاب عنا
بعد فراقنا حبيبي عاش .... الحزن جوة منا
عشنا سنين مع بعضنا .. وكان كل حلمنا
اني اعيش حبيبي معاك .... في بيت يضمنا

وكان نهاية حبنا .. عذاب وجراح مكتوب لينا
انت ضحيت عشاني ......... ياريتني ضحيت انا
نفسي اغنيلك حبيبي .. ادام الناس واقول يا حبيبي
لكن مابقتش نصيبي .......... آآآآه يا حبيبي

وهم عشنا فيه .. وصحينا على جراح
وانت ذنبك ايه .... تضحي وانا ارتاح

الليالي دمرتنا .. وحياتنا بقت عذاب
وحلم ياما حلمنا بيه .. فوقنا منه على سراب
كان املنا نعيش .. واملنا كان كداب
ضحيت عشاني حبيبي..وفرحك عنك غاب

وكان نهاية حبنا .. عذاب وجراح مكتوب لينا
انت ضحيت عشاني ......... ياريتني ضحيت انا
نفسي اغنيلك حبيبي .. ادام الناس واقول يا حبيبي
لكن مابقتش نصيبي .......... آآآآه يا حبيبي

انا جاية اقول ميرسي

انا جاية اقول ميرسي .. عاللي غلط فيا وياما شكرت فيه
مش عارفة اعمل ايه .. لقلب كتير سامحته مع اني هونت عليه
نــــــــــــــــاس كتير حبة وجودي .. وناس بتقولي ماتعودي
وناس لاغية وجودي
ايوة انا سبتكم . ورجعت اكتب لكم
لو مش عايزني تاني ..... هبعد بعيد عنكم


انا جاية وكلي جراح .. من جرح علم فيا نساني الافراح
وهقول ردي عليه .. عاللي كسرني كفاية كبر مني وارتاح
مش عايـــــــــزاك ترد عليا .. ولا تشوف ردودك عنيا
مادام بقيت انا صفر عالشمال
ايوة انا سبتكم . ورجعت اكتب لكم
لو مش عايزني تاني ..... هبعد بعيد عنكم
انا جاية اقول ميرسي

Thnx

ميرسي اوي لاعضاء لجنة التحكيم الي سقطوني
برغم ان منهم ثبت توبيك باسمي
وكل المنتدى قال اني احسن بنت بكتب وطبعا دة كلام
اوك ميرسي ليهم اوي
وهما بجد عرفو يختارو الاغاني
الي مش في منهم غير اغنيتين حلوين بس
وانا اديت صوتي لاغنية ياسر جلال
لانها اجمد واحدة فيهم
وانا اول واحدة اديت صوتي
لأنه مش فارق معاية اصلا انجح ولا مش انجح
بس الي فرق معاية ان اسمي مش جه من الخمسة
وميرسي اوي

امتحان امبارح

مش هتكلم فيه
كل الي هقوله ادعولي ربنا يستر في اخر مادة الي هي يوم الحد
لأني امبارح مش حليت كلمة صح في الامتحان
ممكن الاعراب فيه منه صح
كان عندي فارسي على عربي
امتحان ورقتين دخلت اللجنة تسعة ونص خرجت منها عشرة

اغنية مين احق فينا بيك

مين أحق فيـــنا بيـــــك .. مين اللي خـــــاف .. سنــــــين عليك
واللي تعب . عشان يرضيــــــك ..................تسيبه ليــــــــــه
مين اللي خان فينا عينيك .. مين اللي صان .. وكان ملك ليك
واللي سهر . علشان تنـــــــــام.....................يبقى حقه منك ايـــــــــه

انت بس اللي علمته . انه يحب وكتير فهمته
ازاي يصون . وازاي يرتاح
ويريح حبيبه من الجـــــــراح

مين أحق فيــــــــــــنا بيــــك


مين اللي كان سهران الليل .. مين اللي هان .. عليه الويل
واللي صبر . كتير على قلبك...............وقت ما كان جي عليــــه
مين اللي كان بينام مرتاح ..ويسيب جواك .. عذاب وجراح
واللي باعك . وساب ايديك .............. وعمرك ما سيبت يوم ايديه

انت كل حبي وحياتي . معاك هعيش عمري وحياتي
قلبي شاري . ولو مش داري
صوني لحد يوم مماتي


ميــــــــــن احق فينا بيـــــــــك

اوبريت لاكبر عدد من شعراء الافرز

حبينا نقدم رأينا فى الحياة فموجدناش غير الكلام هوة اللى يعبر عن اللى جوانا .... الاسماء حسب ترتيب الكلام(فكرى -ياسمين-
خلود محمد-احمد سرور-عمدتنا نبيل معتوق-امير التركى-ياسر جلال-محمود سعيد-نهال)

كل شىء دلوقت صعب نحققة
كل حلم بيضع اصدنا من اولة
ا ة يا زمن يالى صعب فيك الامل
اة يا حياة ياللى مليانة ملل
لو صرخت بأعلى صوت مفيش حد هيسمعك
لو شكيت للناس همومك مفيش حد هينفعكل
و الحياة بالشكل دة يبقى اية هو العمل
مش هيبقى بأدينا شىء عشان خلاص ملاها الخلل

من بعيد هتشوف بصيص نور امسك فيه
اوعى يأسك يتمكن منك اوعى تستسلم ليه
مهما كان الطريق طويل ومليان جراح
مهما كان الليل طويل هيطل من بعديه صباح
اثبت نفسك حس بذاتك هو ده الاساس
اوعى تسيب نفسك وتستسلم لكلام الناس

حال الدنيا بقة مش حال ... والحب بقة مش عالبال
..بنعيشو بس في الخيال .... و همنا ظلم وجراح
الناس ما بقتش ناس .. الاحساس عدا وهان
الحب مافيش حب .. الحب دة كان زمان
محينا الدوا ... مافيش ابدا حد ارتاح
كله عنده احزان ... كله عنده جراح

بجبك يادنيا..مهما فيا تعملي..اعندي معايا..واتعبيني
بكرة تيجي تتذللي بكرة تيجي ومن جراحي تداويني
هعيشك غصب عني وعنك..تعاندي معايا واعاندك
ولاعمري ف يوم هقول خلاص مليت ولاهقول مانيش قدك

الدنيا اتملت وحوش
بتاكل بعضها
والناس بقت وشوش
مليانه اقنعة
لانا عارف مين صديقى
ولا عارف مين عدوى
ولا عارف مين معايا
ولا عارف مين اللى ضدى
انا نفسى فى دنيا تانية
تاخدنى فى حضنها
النور بقى كله ليل
ضاع منه ضى القمر
واليوم بقى كلة ويل
ضاع فية معنى البشر
ضاع الاحساس يا ناس
فى قلوب بقت حجر


طب أعمل إيه يا دنيا عشان تروقى وتضحكى
أيامى دايما ليـــه أحزان أساطير ما تنحكى
دى دنيا غريبة مش عارف دى غريبة ليه
والحزن منها كتير فى قلوبنا مش بنداريه
هنعيش نموت ... فى آلام وسكوت وعمرى يوم ما نطلع صوت
كل الحياة .. فى ويل وآآآه
أسئلة ملهاش جوابات وردود

لما تحس الكون حواليك زايع صيت الغدر القاتل
دنيا غريبه عجيبه وفيها اشكال والوان وقلوب غداره
اوعى تفكر ببعد عنها اوعى تفكرى ديه شطاره
لو مقدرتش تمسح دمعك يبقى عليك يا ألف خساره
يما قلوب مجروحه انظلمت ياما حسوا بطعم مراره
مش محتاج اديلكو دليل مش محتاج اديكوا اماره
بكره هيرجعوا تانى فى عيد ..... بكره يدارو الحزن ستاره

وبان شكلى دلوقت
اتغير كتير مع مرور الوقت
ومن كلام الناس خلاص فوقت
وعرفت ايه دليلى
وايه كدب وايه صدق وايه حقيقى
يعنى مبقتش زى زمان
لآى دنيا ادى امان
ولا اسيب قلبى يوم يتهان
هعيش بس بروحى
وف نفسى وبنفسى
هداوى جروحى.....

في لحظة ضياع معني الحياه بيتحول ويبقي حزن خداع
في لحظة ضياع تيجي الدموع من غير رجوع لفرح وسرور
ليه الامل بقي بس شمعه والاحزان كترت شموعها.
...ليه نتقتل بجرح تجرحهولنا الحياه
بايدينا نتحداها بالفرح نغلب دموعنا.
..وفي الجرح نقتل همومنا
ونفوء من دي اوهام ونعيش دنيا الاحلام



انا اللي باللون الاســـــــــــــود

وطبعا بشكر فكري انه خلاني اكتب معاه في الاوبريت الي اشترك فيه ناس كتير بحبهم وبحب كلامهم

وكفاية ان معانا عمدتنا الاستاذ الشاعر الكبير .. استاذ نبيل معتوق

استـــــــــاذي

اغنية صراع كان بينكم

صراع كان بينكم ... ودخلتوني فيه
ضيعتو خلاص حياتي..... طب ضيعتوها ليــــــــــــــــــــــــه
انا اكيد مش بنتكم . واحدة غريبة عنكم
يعني اللي من لحمي . انا هعمل كدا فيه

قربت من انسان تاني . لاقيته ظالم واناني
وبيبعد عني .في اي وقت احتاجه فيـــه
خلاص ارتاحو مني ... شهر اتنين وهموت
هفارق دنيا ظالمة ... حياتي فيها موت
دنيا ولا حد فيها ....... واخد باله مني
الكل جي عليا ........ والكل فيها ظالمني

حتى اعز الناس ليا.............دايما يتخلى عني
انا اكيد مش بنتكم . واحدة غريبة عنكم
يعني اللي من لحمي . انا هعمل كدا فيه
قربت من انسان تاني . لاقيته ظالم واناني
وبيبعد عني .في اي وقت احتاجه فيـــه

بقول لحبيبي سيبني وحدي ... ليه حابب تجرح فيا
دة حرام عليك ياحبيبي.... تأسى كتير عليا
كرهت خلاص الحياه ...... الي عمري ما عشتها
ماليش حد فيها ........ عشان اعشها بحلوها

ماقدتش من الحياه ...............غير مرها ...... غير مرها
حتى ابوية لسة فاكر ... انه من الوهم يفوق
فاكر انه ليه بنت ....... وقريب هتبقى فوق

وامي مش عارفة حاجة .... اكتر واحدة ظالماني
ولا بحب اقول حاجة ...... الا يقولو قلبي اناني

وداعا يا احبابي ......... وداعا يا اصحابي
انتو بس الي ليا ................................ انا ماليش حد تاني
حتى اخواتي صغيرين ... محتاجني اضمهم
بكرة يبقو فاهمين .... حقيقة ابوهم وامهم
حقيقة ابوهم وامهم

قلبك اتبرى منه

انا كتبت قبل كدا اغنية اسمها قلبك جواه فاضي
بس انا راجعتها لاقتها كبيرة اوي اوي وكمان ساعتها مش كنت بعرف ازاي اكتب اغنية
فاخدت منها السينيو بتاعها وعملت اغنية اسمها قلبك اتبرى منه
والسينيو بتاعها هو هو السينيو بتاع قلبك جواه فاضي
قولولي اراءكم بقة



قلبك اتبرى منه .. واتبرى من الي ضمه
سيب القلب الي حبه ..... في حاله عشان يرتاح
قلبك ضيعله عمره .. هو بس الي جرحه
وكان كل ذنبه ...... انه دوالك جراح

قلبك. جواه فاضي ... قلبك. مش قلب عادي
دايما . يحب يجرح
دايما فرحان بجراحي
قلبك. جواه فاضي..... يجرح .حبه عادي
يضيع. حبه بايديه
وبجراحي يبقى راضي

قلبك الي هونت عليه.. خساره حبي الي كان ليه
وعمري الي ضاع عليه.....داياما كان بيراضيك
قلبك الي ضيعني .. يوم شاري ويوم بايعني
كفاية عليه وعدني ....... ابعد الله يخليك

قلبك. جواه فاضي ... قلبك. مش قلب عادي
دايما . يحب يجرح
دايما فرحان بجراحي
قلبك. جواه فاضي..... يجرح .حبه عادي
يضيع. حبه بايديه
وبجراحي يبقى راضي

29l6

بنقول اليوم دة الف مبروك للعروسين
انا مش عايزة اقول اسامي لاني مش استأذنت اني اقول
بس بجد الف مبروك يا عمر لاختك
وعقبالك ان شاء الله اما نفرح بيك كدا
وعقبالي انا بعد عمر طووووووووووووووووووووووووووووووووووووووووووووووووووووووويل جدا
واهداء مني ليهم في فرحهم اغنية ( احضنيني لأحمد نور
وربنا يتمم لهم بخير انشاء الله

الحمد لله انهردة كان فل

الحمد لله انهردة مادة اللاجيك كانت جامدة اووووووووووووووووووووووووووووي
والحمدلله حليت تمام وبمجهودي
يالا يتفضلي المادة الجاية عربي .. وطبعا انا لا افقه اي حاجة فيه
يبقى ربنا يستر
وبعدها حقوق الانسان
ادعولي بقة
Lagique was Very Ezay But arabic .... Rabena yostor

اغنية انا بكره نفسي

الاغنية دي فكرتها جديدة اوي
واحدة بتحب واحد وغلطت معاه
وانا قبل ما انام كدا لاقتها جت في دماغي
والفكرة عجبتني
وهتنقدو منها كلمة بس انا كتبت حاجة واقعية وبتحصل
يالا شوفو بقة


انا بكره نفسي . انها كان روحها فيــــك
وبكرة اسمي . اللي ياما ربطته بيـــــك
وبكرة عمري . الي ضيعته عليــــــــك
وكرهت عيني . علشان في يوم شافت عينيك

انا خلاص مش عايزة غير . رب كريم يغفر ليا
يغفرلي ذنوبي معاك . و يحميني من اي خطية
انا مش عايزة اشوفك تاني . قلبك هو الي رماني
في بحر ذنوب في بحر الام . سيبني وغيب يا اناني

كنت برتاح . زمان وانا بين احضانك
واي جراح . في قلبي دارتها عشانك
محيت افراح . مع ان قلبي افراحه ادالك
وخلاص ارتاح . وبقى قلبي مش مكانك

انا خلاص مش عايزة غير . رب كريم يغفر ليا
يغفرلي ذنوبي معاك . و يحميني من اي خطية
انا مش عايزة اشوفك تاني . قلبك هو الي رماني
في بحر ذنوب في بحر الام . سيبني وغيب يا اناني

الي بيحبني برضه هيرد على دي

القصة كلآتي حصلت لواحد يعرف ناس اصحابنا وكدا انا مش اتكلمت معاه غير مرة بس مش شوفته يعني بس هو كان ليه واحدة صديقة ليا واتخطبت وكدا وهو ولا اتأثر بس هو طلب مني اكتب اغنية لواحد كان بيعرف واحدة صحبته واتخطبت وكدا وهو زعلان ومش عارف ليه مع انها زي اخته
هحققله الرغبة دي واكتبله الاغنية اسمعو وعوووووووو

مش عارف ليه انا زعـــلان .. انك روحتي مني
والحب والغرام .. طول عمره كان مخاصمني

انا مش عارف زعلان من ايه .. دة انتي كنتي ليا اكتر من اختي
انا مش عارف مشتاقلك ليه .. حاسة الي بيا أكيد بتحســـــــــــــــــــــــــــــــــــــي

مش عارف ابكي ولا افرح .. بعادك عني بيجرح
مع اني طول عمري بتمنالك .. ان قلبـــك بالحب يفرح

انا مش شايف ليا مكان .. في الدنيا ديا وعايش تعـــبان
انا مش شايف حد غيرك .. يا ترى انا ضيعتك منــــــــــــــــــــــــــي
وانا حاسس انك في دمــــــــــــــــــــــــــــــــــــــي
مش عارف انا زعلان ليــــــــــــــــــــــــــــــــــــــــــــــــــــــــــــــــه

لو بتحبوني اكتبو كومنت عالاغنية دي

معاك بتبعدني ... ببعد ترجع ليا
هسيبك يامغلبني .. مش هتكسر عنيا
عايز اللي يذلك بس.. ولا يحبك ولا يهواك
عايز الي بيك ما يحس .. ولا يضيع عمره معاك

عايز الي يكون ليك ناسي
ويجرح فيك ويبقى آسي
مش عايز قلبك يحسك ولا قلب يهواك

عايز الي يكسر قلبك
وينسى سنينك وينسى حبك
وانا خلاص هرضيك وشوف غيري عايزاك

عايز اللي يذلك بس.. ولا يحبك ولا يهواك
عايز الي بيك ما يحس .. ولا يضيع عمره معاك

عايز الي دايما كداب
ويعيش قلبك في عذاب
مش عايز حبيب يرضيك ولا يجرح فيك

عايز الي يقضيها
وحياتك عنده دايما ناسيها
خلاص بقة شوفلك غيري حد يبكي عينيك

المسابقة دي حاجة تانية

في رسالة خاصة جتلي لشركة
عايزة ممثلين موزعين ملحنين مطربين مؤلفين
وانا ناس كتيرة اوي بتقولي ادخلي المسابقة دي
لأنك هتكسبي الحقيقة انا لسة مش عارفة اعمل ايه
بس انا في ايدي فرصتين غير المسابقة
بس طبعا عندي احباط لا يقاوم
ربنا يسترها معاية بقة
انا مش عارفة ادخل المسابقة وابدا من الصفر ولااعمل ايه
دلوني

عمر كنج

عمر كينج كلكو بتشوفو تعليقاتو
الوحيد الي بيرد على كل حاجة من غير ما اقوله
عموما اانت بتقول هتكسبي في المسابقة
انا عايزة اقولك يا عمورة دي مسابقة ايه
دي في منتدى وبيقولو الجايزة مفاجئة
بس الاغنية الي هتكسب هتتوزع وتتغنى
وساعتها يبقى ربنا يسهل ممكن يشتهر ولا لا
بس احب اطمنك
انا مش هكسب ولاانا ولا احمد سرور اكتر بني ادم بيعرف يكتب عالمنتدى اصلا
بجد
اللي هيسكب لازم يكون ليه علاقات
وكدا
واستاذ ياسر جلال شاعر موهوب كبير وعلاقات و الناس كلها بتحبه وراجل كويس جدا جدا جدا جدا
ودة اللي اكيد هيكسب
لأن كل الناس بتحبه
حتى لو كانت اي حد اغنيته اكبر من دة
بس عموما ادعيلي يا عمر
انا اغانية بتعجب الناس اوي دلوقت
وربنا يوفقك في نتجتك وفي امتحاناتي ادعيلي يا قمر

وتيك كير
ولو كنت زعلان مني في حاجة سوري بجد
على فكرة يا جماعة عمر كان اكتر واحد بيشجعني على اني اكتب اغاني ومقالات وكدا
وانا فعلا جالي احباط شوية بس بدأت اكتب تاني
ودلوقت عندي احباط انا دخلت المسابقة دي عشان خاطر اتنين فدوى واحمد سرور
ويارب الاغنية تعجب الناس مش شرط اكسب


ادعولنا بقة

da esm el Montada

http://forum.tamerlovers.com/index.php

انا دخلت المسابقة وكتبت دي

بصو انا مش عارفة انا هببت ايه بس انا لاقيت نفسي كتبت الاغنية دي فيها
انا كنت هدخل باغنية تانية اسمها كرامتي هنزلها عالمدونة بس شوفو دي انا كتبتها قبل كدا هنا
بس قولولي ايه رأيكم من جديد بقة
عدلت فيها كلمتين كانو غلط وماحدش خد باله
الاغنية اسمها شوفت ازاي :


خد بالك من نفسك .. مش هكمل معاك
مابقاش قلبي يحبك .. ولا روحي محتجاك


خد بالك دة النصيب . انك ماتبقاش معاية
دة كنت ليا الحبيب . و ضيعت مني هوايا
سيبني اعيش وحدي .. سيبني للايام
دة انا عشت سنين معاك .. و صحيت على اوهام

دة انا قلبي كان شاريك .. ضيعته من ايديك
دة انا كنت زمان عاشقك .. و كان عمري ليك
عمري ما بكيت عينيك .. عمري ما جرحت فيك
كان نفسي اعيش معاك .. كان نفسي اعيش بيك


خد بالك انا عارف.. انك طماع اناني
عايزني بس جنبك .. عشان ماحبش تاني


خد بالك ما خلاص .. كل شيء راح
دة انا كان قلبي ليك .. مليته بالجراح
سيبني اكمل عمري .. سيبني ما خلاص
تعبت من الغرام .. و من كتر الاخلاص


دة انا كنت بحبك عينيك .. كنت عاشق لياليك
دة انا كنت بحس بيك .. من لمسة ايديك
دة انا قولت بكرة نرتاح .. من اي تعب و جراح
لاقيتك بتجرح فيا .. بعدت عشان ارتاح


خد بالك من نفسك .. مش هكمل معاك

مابقاش قلبي يحبك .. ولا روحي محتجاك

صوتولي

انا مش عارفة اعمل ايه
انا هدخل مسابقة الافرز وامري لله
لأني لاحظت ان 3 لحد دلوقت كاتبين فيها حلو والباقي فاكس
بس في ناس داخلة جامدة جدا
منهم استاذ ياسر جلال واحمد سرور
ودول انا بحب شعرهم اوي
وخصوصا احمد دة بعتبره شاعر المستقبل
شوفو ايه اجمد اغنية انا كتبتها هنا انا بجد مش عارفة انا مش كتبت كل الاغاني
يالا قولولي

اغنية سألت ربي بعد التعديل

سألت ربي . اعيش حيـــاة .. مليانة فرح وهنــــــــــــــــــــــــا
وسمع ليا . ونساني الآه . وباديا ضيعت أنـــــــــــــــــــــــــــا

ضيعت مني الفرح ... ومليت حياتي جرح
ولسة ياما من نفسي هشوف
حبيت انسان غريب... وحبه كان عجيب
والي بحسه بس الخوف
وبقولك . يا حبيبي منك لله
على الي عملته فيا
آآآآآه منك آآآآآآآآآآآآآآآآآآه

حرمتني اعيش او اموت . وصرخ قلبي بعلو الصوت
يارب خدني يارب خدني
أكيد هرتاح لو هموت
داويت لقلبك كل جراحه .. و عوضته عن الي راحه
ولا بيطمر ولا بيطمر
و اهو الفرح عشانك راحه

سألت ربـــــــــــــــــــــــــــــــــــــــــــــــي

حب النت هل توافق؟؟

يا ترى في حاجة اسمها حب عن طريق النت؟
مجرد انك تتحرك مشاعر جواك لانسان وتتعلق بيه وكل شوية تفتح ايميلك عشانه وتكلمه وتسهر انت وهو وتحكه لبعض اسرار وتتبادلو التليفونات وكدا
دة تفتكر ممكن يؤدي الى حب؟
أكيد الشخص دة يتعلق بيك
لكن يحبك لأ
انا هحكي لكم موقف
واحدة قريبة بنت خالتي .. قالت انها بتحب واحد من على النت وبقالهم سنتين مع بعض عالنت
والولد دة جه اتقدم لها مع انهم بيحبو بعض
بس للاسف مش حصل قبول
أهي تجربة اهي
وفي علاقات على النت ممكن تؤدي الى الجواز لكنها في الاخر بتفشل
انت بقة وانتي بقة ايه رأيكو في حب النت
هل توافق؟
انا عن نفسي لاااااااااا اوافق

مش هصوم وافطر عليكي

مش هصوم وافطر عليكي
كان منايا اني اكون
اول واحد تحبه عينيكي
لو حبيتك اكون مجنون

شاغلتك كتيـــر .. وخلاص شغلتك بيـــا
بس صعب احبـــك .. لأنك لعبيــــــة
وياما تعبت كتير .. وياما جريت وراكي
تبقي عبيطة لو فكرتي .. اني اتمنى رضاكي


مش هصوم وافطر عليكي
كان منايا اني اكون
اول واحد تحبه عينيكي
لو حبيتك اكون مجنون

مش هكون في يوم ليكي
انتي فاكراني ايه
واحد يعني مغرم بيكي
وهيبقى مغرم على ايه

فاكرة نفسك ايه.. دة الحلوين كتيـــر
و انا بكرة هدور .. وهكون للحب اسيـــر
حبتيني ليه .. من بين الي انتي معاهم
انتي خلاص مش عايزة .. غير ناس تجري وراهم


مش هصوم وافطر عليكي
كان منايا اني اكون
اول واحد تحبه عينيكي
لو حبيتك اكون مجنون

كم تشتاق العين لحنان العين

اذا احببت . فلا تقهر حبيبك
بل ..... اجعله اسعد انسان خلقه الله
كم تشتاق عينه لحنان عينك . وكم تشتاق يده لمسة يدك
كم تشتاق انت ان تجعله سعيدا
كي تحقق لنفسك . الامل الذي احببت من اجله
لماذا القهر ؟؟؟؟؟
هل بامكانك ان تجعل حبيبك دائما سعيدا؟؟
كل شخص بامكانه هذا
ولكن ..... سؤال واريد عليه النقاش؟؟
هل الذي يحب لا يستطيع ان يكره
؟؟؟؟؟؟؟؟؟؟؟
من واقع رأيي
ان الكره لا يأتي بين الاحباب الا بعد الحب
لان الانسان عندما يحب شخصا ويقهره و يعذبه ويؤلمه
يكرهه
ويكرهه اكثر مما احبه

في انتظار ... تعليقاتكم

الحمد لله

الحمد لله انا انهردة حليت ببركة دعا الوالدين
وببركة دعا اصحابي والناس الي بيحبوني
والله انا الي قريته وانا في الديزل اي كلام جه في الامتحان واول لجنة يبقى فيها غش
وظبطناااااااااااا
ميرسي لدينا وحسن زمايلي لأنهم انقذوني انهردة
من اخر سؤال دة
ادعولي بقى في الباقي

سهل عليك تقول

سهل عليك تقولي انك سيبتها علشاني
وصعب عليا اقولك بحب واحد تاني
طب ما انت الي سيبتني .. وانت الي بعتني
وانت الي اختارتها .. وهجرتني وخنتني
ما انا كنت زمان معاك .. جنبك وعشقاك
راجعلي ليه روحلها .. ماهي شبهك عاملة ملاك
سهل عليك تقول
سهل عليك تقولي سامحيني تعالي نرجع
عمري ماهرجع ليك ولكلامك انا مش هسمع
طب ما انت الي روحت بعيد .. وبعدك كتير اسيت
راجعلي متأخر .ما غيرك خلاص حبيت
انا خايفة اجرح قلبك .. بعد الي عملته فيا
وكلامي أكيد هيأثر . غضبت عليك عنيا
سهل عليك تقولي انك سيبتها علشاني
وصعب عليا اقولك بحب واحد تاني

كل الناس دول .......

اللستة دي باسماء الناس القريبين والناس الي بحبهم والناس الي زعلتهم والناس الي مش ليا علاقة بيهم بس غاليين عندي
فدوى . فوفا : حبيبة قلبي واعز انسانة في حياتي دلوقت واكتر انسانة قابلتها حبتها كدا وبجد بعزها اوي ونفسي اشوفك يا فوفة
ندا صحبتي : والله انتي غالية عندي اوي يا ندا بس نفسي ربنا يهديكي ويهديلك الاخ الي بتحبيه
سحر : ربنا يهديكي يا بعيدة ويفوقك من غيبوبة تامر حسني دة الي كنتي هتخسريني عشانه
انجي: وقفتي جنبي في حاجات وكنتي ندلة معاية في حاجات بس يالا مش مهم المسامح كريم بقة
نهى : بجد انتي طيبة اوي وانا بحبك اوي اوي اوي اوي وانتي فرحتيلي يوم نجاحي وميرسي ليكي اوي وربنا ينجحك يارب
محمد التهامي : برغم اني مش اتكلمت معاك كتير وبقالي شهور مش اتكلمت معاك بس بعزك اوي وانت شخصية كويسة وربنا هيوفقك
عمر كينج : انا اسفة عن اي حاجة سببتهالك يا عمر وفي نفس الوقت انا بتأسف لنفسي عن حاجات كتير اوي كانت غلط منك فيا ومني فيك
زيزو : انا اسفة كتير وانا عارفة انك زعلان مني اوي اوي بس والله انا قولت لك الكلام دة عشان مش عايزة اخسرك
نورا عسل : بجد يا نورا انتي عسل اوي وبجد كلامك بيعجبني وطريقة تفكيرك مع انك احيانا بتعصبيني بس انتي جدعة اوي
نورا اداب انجلش : انتي قمري بجد يا نورا ربنا يخليكي ليا انتي دعوتك استجابت ليلة امتحاني وحليت كويس اوي
ليلى ( سعدية ) : سعدية دة الدلع يا لولة انا بموت فيكي يا ليلى والله وبجد البرنامج الي بتعمليه اكيد هيكون جامد وان شاء الله انا كمان هنزل حلقات برنامج قريب بس بعد الامتحانات
سارة : سارة وانا بقول سارة بتاعة المغرب ربنا معاكي في الامتحانات يا سارة
محمود السن : من اكتر الشخصيات الي بحبها في الجامعة واكتر واحد اتكلمت معاه جواها وارجل واحد معاية برغم اني مش بتكلم معاه دلوقت ولا بشوفه ولا اي حاجة بس كفاية انه فاكرني وبيرن عليا
مارفن : ربنا يكملك بعبطك يا ابني ... والله انت هتبقى عمرو دياب التاني لان صوتك رائع ما شاء الله
احمد سرور : اجمد شاعرة قابلته بجد ماشاء الله عليك يا احمد مع اني لسة مش اديتك مدونتي لاني مش بتكلم معاك غير كل فين وفين عالنت بس بجد انت شعرك جامد اوي ويارب تكسب المسابقة

ياريت ماكونش نسيت حد
والي نسيتهم وعارفين انا اد ايه بحبهم
ياريت مش يزعلو مني انا كتبت التوبيك دة وانا اعدة بزاكر
لأني بجد حبيت اذكر اكتر ناس بحبها
وخصوصا فوفة حبيبة قلبي هي وليلى
بجد اكتر اتنين من اصحابي البنات بحبهم
وخصوصا فوفة
ربنا يخليكي ليا يا فوفة ومش تزعلي لاي حاجة وصلتني الماستج بتعتك من شوية
وانا رديت عليكي بس شكل كدا فودا مش بيبعت ليكي ولا ايه ولا انتي فقرية يا فقر

مفاجأة ليلة الامتحان . حب بالتقسيط

هو فيـــن الحب دة . الي بتحكي عليــــه كتير
قال عاملي فيها عاشق . وحبك لحبيبتك كبــير
انا مش شايفة حب منك ..... انا شكلي كدا هبعد عنك
وكل الي انا حســـــــــــاه
حبك حب بالتقسيط . ومنه خلاص انا انجنيت
انا تعبت كتير عشانك .. وكنت عايشة سنين ادامك
وعايزني بس اقولهالك ..... وانت ولا بتتكلـــــــــم
حب حب بالتقسيط . ومنه خلاص انا انجنيت
نفسي تقولها مرة ليا .. بلسانك مش بالحنية
ولا كتير يعني عليا ...... وانا من حبي لازم اتعلم

هو فين قلبك يا حبيبي . الي ياما حبني
مش شايفة غير قلب اناني . ماهنش عليه يضمني
انا ماجرحتش يوم قلبك .... ولا هان عليا حبك
وبرضه الي انا حسيـــته منك
حــــــــــــــــــــــب بالتفســـــــــــــــــــيط
حبك حب بالتقسيط . ومنه خلاص انا انجنيت
انا تعبت كتير عشانك . وكنت عايشة سنين ادامك
وعايزني بس اقولهالـــــــــــــــــــــــــك
وانت ولا بتتكـــــــــــــــــــــــــــــــلم

حبك بالتقسيــــــــــــــــــط

ما الفرق بينك وبين الانعام ؟

انظر الى شبابك
انظر الى اصحابك
انظر الى نفسك وحياتك
هل انت اصبحت انسان
لقد خلقك الله كي تعبده ولا تشرك به
لقد خلقك الله كي ترضيه ولا تعصيه
هل انت فعلت هذا
؟
سوف اقول لك من انت الآن
انت كالأنعام
تأكل وتنام وتشرب . فقــــــــــط
ولكنها لا تفكر ما الذي سوف يأتيها وما الذي سوف تناله الآن او في الاخرة
انت كالأنعام
تشرك بالله . وتعصيه ولا ترضيه
كل ما في بالك شهواتك
تريد ان ترضي شهواتك فقط
وتعصي الله بها
في نفسك . النفس الأمارة بالسوء
لا تستطيع مقاومتها
انت ضعيف وليس قوي
تجري كالأنعام في مكان مليء بالاشواك
ولكنك لا تشعر بها
وحين تشعر بها
توقظك
ولكن .. اذا حاولت ان تداوي جرحها
فستعود الى اينما كنت
..........
فما الفرق بينك وبين الانعام اذن؟؟

كتبت....

كم اشتقت ان اكتب في هذا كثيرا
..........
كثيرا ما يحيا العبد بين الناس و يتعلم منهم ويعملهم
ولكن ما هي علاقة العبد بعبد بربه؟
اعتقد انه لا علاقة لهذا
فالانسان علاقته بربه بينهم فقط
ولا يصح ان طرف ثالث يتدخل بينهما
فملاث يقول له ..: لماذا لا تصلي ؟
فيجاب الآخر : هذه بيني وبين ربي
وهذا هو الجواب الصحيح والذي لابد ان يقال
صحيح انه يمكن للعبد ان ينصح عبد مثله
ولكنه ليس شيخا او داعيا اسلاميا
بل انه . مجرد عبد . عبد لله
وكلنا عبد لله حتى الشيخ والداعي
ولكنهم الفرق بينهم وبين العبد العادي
انهم لديهم لباقة وحسن اسلوب
يستطيعوا ان يجذبوا اي شخص بطريقة جذابة اليهم
وليس بالخشونة
فلماذا تدخل انت ايها العبد . بين عبد آخر وربه
غيرك يدعي
صحيح ان كل منا لابد ان يكون داعي
ولكن الاكثر صوابا
انه لابد ان يكون كل فرد في حاله
وينظر الى نفسه
هل هو مذنب . ام معصوم من الخطأ
ولأنه لا يوجد انسان معصوم من الخطأ غير الرسول عليه الصلاة والسلام
لابد الا يتدخل فيما لا يعنيه

.........
ارجو ان تشاركوني الرأي

اغنية ليه يا دنيا كلمات فدوى وخلود

انا جاية لكم انهردة باغنية عجبت ناس كتير اوي على الافرز
الاغنية دي كلمات فوفة فدوى صحبتي و حبيبة قلبي وكلماتي
يالا قولولي ايه رأيكم بقة


كفاية يا دنيا . تجريح وتعذيب فينا.. ليه يا دنيا مش عايزة تسيبينا
حتى احلامنا منا سرقتيها . رمينا همومنا عليكي ليه سيبتينا
كفاية يا دنيا . يأس وعذاب .. وعدتينا بفرحة وطلع وعد كداب
كفاية يا دنيا . مش قادرين نعيش
ولا عارفين ننام . والحزن ما بينتهيش
اضحكي لينا وحاولي تفرحينا
نفسي الفرحة تيجي يوم علينا
نفسي نضحك من قلوبنا لو ليلة
يا دنيا كفاية ليه بتعذبينا
يعني خلاص الفرح غاب
وبقت حياتنا يأس وعذاب
و أملنا فيكي أمل كداب
لو كدة يبقى انتي سراب
ليه دايما ظالمة ألوف
يعني قلوبنا مش بتشوف
دايما وخدانا لدنيا
سيبينا في حالنا اعملي معروف
كفاية يا دنيا . تجريح وتعذيب فينا.. ليه يا دنيا مش عايزة تسيبينا
حتى احلامنا منا سرقتيها . رمينا همومنا عليكي ليه سيبتينا

بيقولي ما بينمشي

بيقولي ما بنمشي
وعليا مايهونشي
مش قادرة اسيبه تاني .. ولا قادرة ارجعله
بيقولي حبيني
حضنك بيحييني
امش عارفة اقوله ايه تاني .. ولا قادرة اسمعله
اه من حبه الي خلاني انسانة مكسورة
وانا ماشية بحس الناس بتاخودلي ميت صورة
آه من قلبه الي جرحني وخلاني تعبانة
من حبه وحب الناس انا عايشة ندمانة

بيقولي مابقدرشي
قلبي ما بيخترشي
الي يحبه او يحسه ... انتي حبيبة الروح
بيقولي ماليش غيرك
ولا هعيش لغيرك
انتي ليا روحي عنيا ..داويني من الجروح
اه من حبه الي خلاني انسانة مكسورة
وانا ماشية بحس الناس بتاخودلي ميت صورة
آه من قلبه الي جرحني وخلاني تعبانة
من حبه وحب الناس انا عايشة ندمانة

احــــــــــــذر

كثيرا ما يخطيء الانسان في قلب من أحبه

وكثيرا ما يخطيء هذا القلب فيه

لأنه من ناحية الحب .. الحب في هذا الزمن اصبح مثل شيء يكاد ان ينقرض

ليس حب الحبيب بل حب كل شيء

كل منا احب .و كل منا كان له صديق

احساس صعب بأن يخطيء الانســــــــــان ... في صديقه

واحساس اصعب بأن يخطيء في قلــــــب حبيبه ...

فلماذا نخطيء ؟

هل الخطأ من داخل قلوبنا ام من الحب نفسه

ام الخطأ يحوم حولنا كالطير من كل مكان

؟

نحن نريد ان نحيا وان نعيش حياه هادئة تملؤها السعادة من كل جانب

وانا من هنــــــــــــــــــــــا

اقول لكل اصدقائي او اناس كانوا في يوم اصدقائي

انا انسان ...

انا مذنب . انا اخطيء

وارجو منكم ان تسامحوني بقلوبكم

وليس بلسانكم

انا لا اريد الآن من الحياه سوى ان اعيش حرة

سوى ان اصل الى ما اتمنى ان اصل اليه

ولكــــــــــــــن

انا في هذه الايام

لا احد يشعر بي

أنا اصبحت يائسة من كل شيء جميل بالحياه

ولاسباب عديدة

منها أخي .. والامتحانات

و طبعا هناك اسباب كثيرة

فهل افتح قلبي واقول ؟؟

ام اصمت ؟

ولو قلت فلمن سوف اقول ؟؟؟

لو كل شخص منكم تقبل اعتذاري ... من قلبه

سوف يرتاح قلبي ويهدأ عن وضعه هذا

وفي النهاية

اقول احذر

........

احذر الخطأ

خلاص قفلت قلبي اغنية جديدة

خــــلاص قفلت قلــــــــبي و موت الاحســــــــاس
وانا كان كل ذنبــــي حبيت اكتر النــــــــــاس
اكتر الناس جراحة ... بتحب تجرح فيا
دايما ظالمة خداعة .... ودايما جاية عليـــــــــا

يبقى احب تاني ليــــه .. والحب دة يعني ايــــه
انا لازم امـــــــــــــوت قلبي ... علشان اعرف اعيش
حب خلاص هو فين .. ما انا بحب بقالي سنين
ماخدتش غير شوق وحنين .... وجراح ما بتنتهيش

خـــــــــــلاص قفلت قلبي

هنـــــام مرتاح ضميري لا جارح ولا مجروح
ومش هعيش لغيري وهقول للحــــــب روح
كان لازم اكون قوية .. ماضعفش لو ثانية
ولا حد يشـــــك فيا .. ولا حد يكســــر عنيا

حب فين ما الحب راح .. وزامنا زمن جراح
نفسي اموت علشان اعيش... وعلشان ارتاح
حبي خلاص كان شمس وغاب.. حب ايه دة كان عذاب
انا عشت في أمل كداب... هعيشه تاني ليه

خــــــــــلاص قفلت قلبي

كل حاجة

كل حاجة بتتغير.. زمن الحب بقة قصير
واللي يحب بيتحير
يبقى نحب ليه؟
الحب كله جراح .. ماقابلتش حبيب مرتاح
غير لو حبه ماضي وراح
ودة اسمه ايه؟
ماحدش بيحب بينسى
ماحدش بيحب بيأسى
ماحدش بيحب لسة .. زمن الحب راح
ماشوفتش ابدا اخلاص
من حب كل الناس
كله ضاع منه الاحساس .. وماحدش مرتاح
كل حب بيروح .. والكره هو المسموح
وماحدش ابدا بيبوح
باللي جواه وتاعبه
لو حبيبك هان عليك .. وكانت حياته ملك ليك
يبقى عمره ما كان ليك
وربنا يساعده

اغنية عندك حــــــــــــق

عندك حق ترفضيني عندك حق أيوة انا خنتك سامحيني . عندك حق .
. جي أقولك ماتفارقيني يالي بعمرك قدرتيني
قلبي حبك انتي وبس .. ازاي بغيرك بس يحس ..
.. يا حبيبتي ارجعيلي بيكي هعيش حياتي وبس
مهما جرحتي فيا حبيبتي .. حاسس انك بتداويني
............
ايوة ضعفت ادامها .. وبحبك هكون اقوى انسان
هنسى هواها وايامها .. لو سبتيني هعيش ندمان
انا من غيرك مطر . ولا بيروي اراضي
بحس اني شجر . وفرعي فاضي
بحس اني غريق في بحر موجه قاضي
في بحر موجه قاضي
ايوة انا خنتك ايوة ظلمتك .. يا حبيبتي كفاية داويني
انا عارف اني هجرتك .. باللـــه عليكي سامحيـــني
ايوة ضعفت ادامها .. وبحبك هكون اقوى انسان
هنسى هواها وايامها .. لو سبتيني هعيش ندمان

Apologizing For........

الاغنية فكرتها كالآتي واحدة كانت بتحب واحد وواحد قريب اوي من الي بتحبه دة قالها دة مش بيحبك وقال لها اسرار بينهم طلعت برة وكدا ووقف جنبها كتير اوي وخسر صحبه دة عشانها وكل شوية يكلمها ... ووقف جنبها ايام امتحاناتها وقال لها انه زي اخوها وكداوكان بيتصل بيها قبل اللجنة وبعد اللجنة واما تكون منهارة وبتعيط يهديها .. وبعد كل دة باعته ورجعت لحبيبها الي غلط في حقها وبعدين بدأت ترضي حبيبها وتسمع كلامه عشان فاكرة نفسها انها غلطانة وكدة وعايز تصلح غلطتها وبعدين لاقيت حبيبها ولا بيسمع كلامها وبيتنطط عليها وبيعمل الي هو عايزه وبيجرحها بالكلام وبيعمل كل حاجة عكس ما هي بتقوله عليها عكس ماكانو مع بعض الاول لأنهم كان بقالهم ' سنين فهي قررت انها تشوف مستقبلها وتنسى حبيبها دة خالص وتعيش حياتها من غير حب ولا وجع دماغ وانهردة بتكتب اغنية ... للشخص اللي وقف جنبها دة .... الي لو طلب حياتها هتديهاله لأنه اباعته كتير اوي وخليته يخسر اقرب واحد ليــــــه يارب الاغنية تعجبكو

اقبل اعتذاري ... لوحدي خدت قراري
وانت ياما نصحتنــــي
ضحيت عشاني بيه... وانا صدقت عينيه

وعمرك ما بعتنـــــــي
بعتك عشان ارجعله هو
ورجوعي ليـــه ماكنش بقوة
رجعت عشان انا قلبي اسيـــر لعنيـــــــــــــــــــــــــه
بعتك وكنت باقي عليا
وعمر ما جرحت عينيك عنيا
لكن قلبي اختاره هو هو الي حسيـــــــــــت بيه

اقبل اعتذراي

مش هقدر ارجع تاني
... اتكلم لو ثواني
انا ندمــــانة كتير
نفسي تحس بيا
... وبجرحي اللي فيا
دة جرحي والله كبيــــر

كنت ليا أخ وصاحب
ولا غيرك كان يتصاحب
بالرخيص انا بعت صاحـــب وهو جرح فياااااااااااااااااااا
كان راجع ليا بس عشان
يخلي قلبي يعيش ندمااان
يبعدني عنك واصغر في نظرك ويضحك هو علياااااااااااااااااا
اقبل اعتذراي

بنات عليها اقساط وولاد عقلهم فات

الكل مستغرب من عنوان الموضوع هقولكو :الصيف جه طبعا وبدأنا نشوف مناظر لا يعلم بيها الا ربنا ولبس بقة وبتاع والبنت مش عارفة اهلها في ايه الصراحة ازاي ينزلوها بمنظرها الي هي فيه دةوالولد يا عيني غلبان الي بيعمله انه بيبص وبيتفرجوييجي يحكي لاصحابه( يا لعــــبو )الصيف دة اكتر فصل الانسان بيستمتع فيه لكن برضه لازم يتخاف منه لأنه بيزيد فيه اوي اوي حوادث الاغتصاب .. من لبس البنات والسهر والسفر والكلام دةانا مش عارفة ازاي بنت تقدر تسهر برة بيتها لحد 2 بليل دي عادي واهلها كدا عادي والله الكلام دة كان ادامي امبارح وواحدة تانية كنا مروحين في الديزل وراكبين واعدين وبتاع صباح اللبس الي لابساه وشكلها استغفر الله العظيم والله زي الشيطان وبالنهار وبالميكب الفظيع دة باباها اتصل بيها .. واحنا اعدين هي كانت اعدة ادامنابتقوله معلش يا بابا مش هقدر اروح على البيت اصلي هدخل سينيما ميد نايت انا واحمد وعلا اصحابي ميرسي يا بابا .. لألألألأ يا حبيبي انا معاية فلوس لو عوزت هكلمكاحنا سمعنا الكلمة دي .. وموتنا على نفسنا من الضحكومعظم الي كانو اعدين ولاد اصلا وعمالين يضحكو عليها والبنت فاكرة ان دي حلاوة يعني الولد كدة هيحترمهاايه الصيف المنيل في اوله دة؟امال بعد امتحانات الجامعات والثانوية ما تخلص هيعملو ايه بس؟السنة الي فاتت كلنا عارفين الحوادث الي حصلت الي هي حوادث الاغتصاب وكانو البنات محتشمين عن السنة دي شوفو بقة السنة دي اكيد كلنا بنشوف المناظر المنيلة
الولد يقول العيب على البنت والعيب عالي رباها دة راجل ......والبنت تقول العيب على الولد يبص ليه ماعندوش اخوات بنات...لأ انا هقولكو العيب فين العيب على البيت الي ربى والبنت الي وافقت تخلي نفسها عليها اقساط فاهمين يعني ايه عليها اقساط؟؟يعني تدفع لكل واحد ستايل معين يعد يتفرج عليها بقة ادي اول قسط تاني يوم تلبس حاجة تانية ادي تاني قسط طب ايه .؟؟ مش هتكمليهم وتمشي ولا هتقضيها اقساط ولا اقولك اقلبيها تمليك احسن والشباب عقلهم فات؟طبعا كلنا عارفين ليه؟المسكرات والارف الي بقو بيشربوه ووالله من غيره الشباب فعلا عقلهم فات كل كلامهم بقة على البنات والكلام الهايف دةاعقلو بقة وبطلو . بكرة جي علينا وماحدش بيفكر في بكرةولا بيفكر انه ليـــه رب هيحاسبه طبعا كلامي مش على كل البنات وكل الولاد بس الي عاملين في نفسهم كدة بقولهم ( بكرة تــــــــــــندم يا جمـــــــــــــــــيل

هو دة احساسي

مش حاسة بالآمان . و خايفة من الزمان
واغلى انسان مش حاسس بيا
قلبي مليان جراح . نفسي في يوم ارتاح
وباديه يمسح دموع عنيا

.........
احساس انك تبقى ادام حبيبك عادي خالص وبتهزر وبتضحك وانت جواك مش قادر نفسك تبكي طول الوقت احساس صعب اوي
بس طول عمري حاسة بيه واكتر الاوقات الي حساها بيه الايام دي
بس الانسان لما بيحب لازم يضحي
المهــــــــــم : يلاقي نتيجة للتضحية دي
لأنه لو مش لاقاها مش هيعرف يعيش بقيت حياته ولا سعيد ولا حزين
لآ حياته هتدمر وهيتدمر فيه الاحساس سواء احساس امان او خوف او اي حاجة

اموت يا قلبي ولا اعيش

ليه كل الي ياما وعدني بيه والي اتفقنا زمان عليه ينساه وليه ماينسنيش

المعنى دة حسيته اوي بجد الايام دي

انك تبقى بتحب واحد وكان بينكم قصة حب كبيرة و سنين طويلة واما يرجع عشان يكلمك

تحس انه بيكلمك عادي او بمعنى اصح بيحاول انه يأسى عليك

مش عارفة بقة اذا كان انتقام ولا عايز يوصل لآيه بس انا شكلها في حاجة في حياتي
هتتغير جامد و كلكو هتعرفوها والناس كلها
شكلي هعمل كدة لأني بجد تعبت من الدنيا والحياه

انا حاسة ان الدنيا وحشةةةةةةةةةةة اوووووووووووووووووووووووووي
مش عايزة اي حاجة منها
تعبت من كل حاجة و كل الي حوليا تعبني
كل يوم يحصل حاجة تخليني اعد افكر مليون مرة فيها
وانسى اي حاجة تانية
عايشة عشان اتعذب
قليل اوي الفرح الي في حياتي
انا لما قولت انا مبسوطة كنت بضحك على نفسي وعلى الناس ربنا معاية بقة
انا بجد تعبانة ادعولي يا جماعة
بليز

الموضوع دة زاد اووووي

طبعا كلنا عارفين ان بلدنا العريقة مصر ماشية بالرشاوي

الموضوع بقة الي طبعا موجود من زمان بس الايام دي زايد بطريقة غير عادية

موضوع رشاوي بس مش اي رشاوي

اعراض بنات

ربنا يستر على ولادنا

الواحد بجد بيبقى خايف يدخل في اي مكان فيه شباب لوحده دلوقت الناس اتسعرت

ايه الي حصل لنا كل دة من الارف الي احنا بنشوفه في الفضائيات و فرحانين بنفسنا

احنا شعب كدة . نحب نهيس و نهزر لكن نشتغل لألألألألألألألأ

عشان كدة الكل بيطفش

عارف اغنية جديدة

عارف الدموع لما بتنزل من العين
مع ضوء الشموع والشوق والحنين
عارف الجراح لما بيجرحها الحبيب
وينسى الي راح وعن حبيبه يغيب
عارف لما بتجرح فيا .. عارف لما بتظلم قلبي
بحس انه فاض بيا . و انك مش هتبقى جنبي
وزي ما يوم حسيت بيك . زي ما جرحت فيا
زي ما يوم حافظت عليك . زي ما لعبت بيا
طول عمرك . بتدمر فيا . بتكسر حبي . بتبكي عنيا
وانا جنبك . مادقتش فرح . دقت الجرح . الي مقطع فيا
عارف الجراح لما بيجرحها حبيبك
وبعد ما يجرح فيك يبعد و يسيبك
عارف الغرام لما بيكون كلام
و تحلم بالحنان و تفوق على اوهام
عارف لما ظلمت روحي . عارف لما خدعت فيا
عارف لما زودت جروحي . عارف لما بكيت عنيا
عرفت انه الحب . الي في قلبك سراااااب
و اعتبرت حبك . ضوء شمس وغاب
اعتبرت حبك . ضوء شمس وغاب

رد اغنية تامر حسني . اعتذري

زي ما وعدتكو رد اغنية تامر حسني اهي
اغنية تامر اسمها اعتذري وانا اغنيتي اسمها مش هزعلك هعتذرله
يالا بقة شجعوني قولولي ايه رأيكم
احبطوني شجعوني فهموني


مش هزعلك اكيد هقوله انك بتعتذرله
وهقوله كمان اني عشقتك واني خلاص نسيتك
مش هزعلك وهقوله انك كنت بدل منه
وهقوله كمان على كل الي حصلي لما هويتك
هقوله حبيت اسوأ انسان . انسان اناني بياع غرام
هقوله كمان على الي كان . وعلى كل الكلام
هقوله قلبي غلط في يوم . انه حبك او عشقك يوم
وهقوله على الي كنت فيه . وعلى سنين اوهام

مش هزعلك اكيد هقوله انك بتعتذرله
وهقوله كمان اني عشقتك واني خلاص نسيتك
أكيد هيسامح قلبي .. ومش هيجرح فيا
ولا هيظلم حبي . ولا هيبكي عنيا
كفاية انه نساني . سنين حياتي معاك
وخلا قلبي خلاص . وروحي بقت نسياك
خلاني انسانة جديدة . خلاني احب الحياه
يمكن خدت مني كتير . ودوقت معاك الآه
لكن هديله الي ولا عمرك خدته مني
مش هزعلك اكيد هقوله انك بتعتذرله
وهقوله كمان اني عشقتك واني خلاص نسيتك
مش هزعلك وهقوله انك كنت بدل منه
وهقوله كمان على كل الي حصلي لما هويتك

اغنية عيد الأم

الاغنية دي مش كانت راضية تنزل يوم عيد الأم بس اهي كل يوم عيد ام طبعا لأن الام دي اغلى حاجة
ربنا يخليكي ليا يا ماما يا اغلى انسانة ليا في الوجود


مين اول حضن حضني . مين الي حماني
مين خاف عليا مين .. مين الي رباني
مين الي خلا حياته ليا.. والي يصعب عليه دمع عينيا
أمين .... الي ماليش غيرها في الوجود
الي حبي ليها . يعدي اي حدود
أمي الي بدعاها ليا هدخل الجنة .. امي الي برضاها هحقق الي بتمنى
مين اول حضن حضني . مين الي حماني
مين خاف عليا مين .. مين الي رباني
مين اول كلمة نطقطها .. مين اول واحدة شوفتها
مين الي بتحس بيا ... الي انا بحبها
مين الي سهرت عشاني كتير.. مين الي حبها ليا كبير
مين الي بيبكي لبكايا .. الي مافيش زيهاااااا
مين الي بيتألم لما بتألم .. مين الي صابر ولا يتكلم
مين قلبه عليا .. مين بيدعي ليا
مين بيخاف عليا ميـــــــــــــــــــــــــــــن
مين اول حضن حضني . مين الي حماني
مين خاف عليا مين .. مين الي رباني
مين الي خلا حياته ليا.. والي يصعب عليه دمع عينيك
أمي................. اول اسم قولته
امي........ اول انسان عرفته
أمي........ الي بدعاها بتمنى
امي.......... الي هتدخلني الجنة
مين اول حضن حضني . مين الي حماني

من اقوال الرسول

الرسول عليه الصلاة والسلام قال ان الصديق زي صديقه

لازم كل واحد فينا يختار صديقه ويكون صديق صح كمان مش صديق غلط

لازم يكون صح

دلوقت هحكي لكم موقف حصل معاية امبارح بس

وانا لحد دلوقت مخنوقة اووووووووووووووووي

اول ما روحت الجامعة امبارح لاقيت واحد زميلي بيقولي لو سمحتي يا خلود عايزك

في كلمة الولد دة بصراحة عمره ما عمل معاية موقف وحش بس كلامي معاه

مش اوي يعني لأني مش ليا علاقات في الجامعة

لاقيته بيقولي انا عايز اعتذرلك انا كنت فاهمك الاول غلط

روحت قايلاله انا عمري عملت موقف وحش ادامك او روشت زي بقيت البنات او كدة

قالي لأ من الي انتي ماشية معاها 24 ساعة

قولت له انا سمعت كلام بس مش شوفت حاجة هي ممكن بتهزر مع ولاد هزار اوفر

وبتروش جامد وانا قولت لها ان دة غلط

وقولت له انت بتقول انك عايز ترتبط بيها وكدة قالي كل الكلام دة اصلا هزار

مش عارف هي واخداه جد ليه عموما انا كنت واخد عنك الفكرة دي منها

طبعا انا اتخنقت

وقالي ياريت مش تزعلي وكدة

بصراحة انا اتخنتقت لها قالي لو عايزة تقوليلها قولي عادي انا ممكن اناديها واقول لها

الكلام دة في وشها

بعدها حصل حوارات كتيرة انهردة وامبارح

انا بجد مخنوقة

انا كنت قفلت معاها ورجعت لها بس مش زي الاول

انهردة بجد قفلت معاها افلة منيلة

بس الحمد لله الكل عرف خلود مين واخلاقها ايه

ياريت بجد كل واحد مننا يحاول انه يختار صديق صح

الله يرحمك يا مروة كانت نعم الصديقة الصح

برستيجي وبرستيجك

انا جبت في 2 ث ع 60 في المية و في 3 فقدت الامل كنت راسمة على اي حاجة خاصة في اسكندرية
ولاقيت نفسي في 3 جبت 93 ونص
وجالي تجارة واداب برة اسكندرية
وجالي جوة اسكندرية تربية نوعية و رياضية و حقوق
بس قولت اداب اداب لاقيت نفسي جوة اداب بنها اعدت اعيط وقولت دول فلاحين ومش هعرف اتعامل معاهم و كانت ايام سودة
واول ماروحت كان فعلا الجامعة كلها فلاحين
الفلاحين كويسين بس بالنسبة للولاد البنات لآ لأن البنات بيبصو بقة وانتي عاملة دة ازاي ولابسة دة بكام والكلام دة و يعدو يقولو حاجات عجيبة
وبعدين لاقيت ناس اصحابي هناك ولاقيت واحدة كنت اعرفها من زمان بس مش صحبتي كان اخرنا سلام سلام لاقتها معاية في نفس القسم ودي بقة الي بروح وباجي معاها وكدة
بجد الجامعة مش فلاحين ولا حاجة
ناس كويسين اوي و البنهاوية اجدع ناس هما وبتوع القاهرة لأن الجامعة فيها من القاهرة كتير اوي و من طنطا و من اسكندرية و كدة
من اماكن تانية عجيبة اول مرة اسمع عنها
و في ناس كنت واخدة عنها فكرة انهم وحشين وكدة بجد اما اتعاملت معاهم لاقتهم ناس كويسة اوي
بس انا كاتبة الكلام دة مش لحاجة مش بحكي حاجة
بس انا اتعلمت منه اتأقلم تحت اي ظرف
يعني بلد جديدة و ناس تانية
مش هنكر ان صحبتي هي الي ساعدتني على اني اتأقلم
بس للاسف هي دلوقت جايز مش اتكلم معاها تاني
ولاسباب مش عايزة اقولها
لاني تعبت من الكلام
الواحد مش لازم يفكر بطريقة سطحية او بطريقة برستيجي و برستيجك
يعني دة فلاح دة بيئة دة مش عارف ايه جرب
جرب وبس
دي الكلمة الي اقدر اقولها لأي حد
انا دلوقت بابايا هيموت ويحولي اسكندرية انا مش راضية و خصوصا بعد ما نجحت الترم الاول خلاص يعني اتاكدت اني هحول
انا عايزة احول عشان اريح اهلي
بس انا دلوقت اصحابي كتير في الجامعة
بس انهردة بس
..........
عملت وقفة وقولت لازم اريح اهلي
اكيد انا كمان هرتاح قرايبي وبنت خالي اللي بموت فيها هتبقى معاية في جامعة اسكندرية هي 2 تربية اساسي بس ان شاء الله ربنا يسهل واحول
وزي ما قولت لكو
............................................
مش تحكمو بالبرستيج لأن معظم الناس كدة

كلموني

خليكم كلموني فكروني عذبوني
....
خليكم ندموني سهروني لوعوني

كلموني عليه وقولولي عليه اسوأ انسان ..
انه بياع غرام . انه ولا حبني ولا حسنـــــــي
فكروني بيه و كرهوني فيه وعيشوني اوهام ..
بعد كل الغرام كان وهم انه بيحبني
لااااا انا بضحك على نفسي . دة عمره ما حسني
انا كنت عاشقة عينيه .. وهو ولا حبني
انا كنت ملك ليــه ... انا كنت بموت فيه
دايما جرح فيا ... وقلبي خدع فيــــــــــــــــه
كل ما بضحك على نفسي واقول خلاص نسيته واقول خلاص هحب
بلاقي نفسي بشتاق اليه ولا قادر يعشق قلبي غير القلب
القلب الي انا حبيته .. الحضن الي ضمني
ببكي بدموع عنيا .. وياريته حسني
حسني .. حسني
لااااا انساه يا قلبي دة كداب و لواع
دة يا قلبي باعك لسة فاكر الي باع
لاا لازم امحيه من حياتي امحيه و خلاص
دة انسان كداب ولا عنده احساس
انساه يا قلبي وريح بالك . انساه يا قلبي و بص لحالك
سيبك من كلام الناس سيبك من الغرام
لو قلب يا قلبي غيره نداك . انسى وافتكر الي كان معاك
وشوف الجراح وكل الي راح دة كلمة حب كلام اوهام

دي اغنية ليا جايز تحسو ان القافية مش متظبطة اوي بس قولولي ايه رأيكم في الكلمات دي حاجة انا حستها وقولت لازم اكتبها

انتظرو

انا وعدتكو قبل كدة اني هنزل اغنية حب بالتقسيط انا فعلا عملتها و هنزلها

بس بعد اغنية تانية رد على اغنية تامر بتاعة اعتذري

انا عملت اغنية رد على الاغنية دي و ان شاء الله هنزلها قريب

فاكس صفاقس مشاكس معاكس

احنا بلد ماشية بالمقولة دي بجد دستور يتغير و حاجات غريبة
انهردة في الجامعة اخوان المسلمين عاملين مظاهرة اصلا صف بنات منقبات ومخمرات وصف رجالة معظمهم بلحية
انا طلعت فوق مكان عالي عشان اصورهم بالموبايل لاقيت واحد بيقولي هيمسكوكي قولت عادي يعني فاكس مش هيمسكو دة بيهيس المهم لاقيت فعلا واحد من الامن عمال يقولي بتصوري ايه وكدة المهم روحت ضحكة جامد لاقيت الراجل بتاع الامن دة بيضحك وكدة
وفي حاجة غريبة في بنها بجد ناحية الكلية امن دولة برة و عساكر و ظباط حاجات غريبة
يالا ربنا يستر
بس الموضوع دة ناس كتير موافقة عليه بيقولو هيبقى لصالح الشباب الي مش متدينين
يعني واحد ماشي مع واحدة هيسيبوه واحد ملتحي و بيصلي و كويس هياخدوه
في موقف حصل مع صاحب بابا من اسبوع الراجل كان مخنوق شوية ربة دقنه وخارج من الجامع وماسك سبحة امن الدولة اخده ووروه شوية صور و كدة وبعدين اما اتاكدو انه مش هو مشوه وودود ماكان ماجابوه
يعني كوسة
يالا ربنا يستر علينا بقة

عيد الأم

المفروض مش يبقى فيه عيد أم
بس للاسف احنا مش بنقدر دة . لأنه في ناس امهاتهم متوفية وكدة واحنا مش بنقدر دة
يعني مثلا واحدة مامتها ميتة واحدة صحبتها تقولها جبتي ايه في عيد الأم الكلمة دي تجرحها اوي
نفسي المجتمع بعاداته دي تتغير بقة شوية و نغير عاداتنا وتقاليدنا
مش نغير دستورنا لدستور جديد مش في صالحنا

اغنية تنسى واحدة

انا اول ما سمعت الاغنية دي قولت دي خيالية شوية
بس فعلا الواحد اما يكون بيحب حد وبعد عنه برضاه ومش عايز يرجعله او مش قادر او مش ينفع
بيتعذب اووووووووووووووي
انا مش اعتقد انه هيبقى فيه حد بعده اصلا
غير بقة بعد عمر طويل اما اتجوز او اتخطب و على حسب شخصية الي ادامي
ساعات بعمل نفسي انه انا معجبة بحد تاني حد قريب مني مثلا وبتكلم معاه كتير وكدة
بس للاسف مش بقدر صورته دايما ادامي
بس الايام بتنسى صح ولا ايه؟
. ليه وهمت الناس يا قلبي انك ناسيها والحقيقة ان انت عايش لسة ليها .

محتاجة حضن

محتاجة حضن يحس بيا بشوق عنيا يضمني
ولا حاجة فارقة معاية غير انه يحبني
عيشت نفسي في اوهام . عمرك في يوم ما حبتني
يمكن فهمتني ايام . وندمت اني حبيتك وياريتني
ياريتني عشت سنيني لوحدي . ياريت سنيني ترجع تاني
ياريت اموت عشان ارتاح . من ظلم اناااااااني
بعيد عنك وظالمني. معاك برضه ظالمني
يعني اعملك ايه
بعدي عنك كسرني . و حبك حيرني
مش حاسس بيا ليه
عارفة اني انا الي سيبتك . و عذابي في بعادك طال
ولا ينفع نرجع لبعض . لوحدي هكمل المشوار
مشوار حبنا . الي ضاع مننا
هعيشه وحدي
مش عايزة نرجع . ماعدش ينفع
هعيش لوحدي
ماعدش ينفع نرجع . وانت بتخون
دايما كنت جارح فيا . ولا بتصون
انسى حبنا . ضاع وقتنا . انسى الغرام . كله كلام . كله كدب
انسى الدموع . مافيش رجوع . انسى الحنان . ضاع الامان. ضاع الحب
محتاجة حضن يحس بيا بشوق عنيا يضمني
ولا حاجة فارقة معاية غير انه يحبني