ا ترى شبابنا ناويين يعملو ايه بعد التخرج
و طبعا مش كل شبابنا
انا اصدي شبابنا الي مش وسايط جامدة او معاهم فلوس كتيرة يقدرو يعملو بيها اي حاجة
طبعا البطالة بقت شيء مفروغ منه
شيء موجود
و الناس فاكرة ان البطالة في مصر بس
لآ طبعا في كل الدول الي في العالم
بس هي بتزيد في مصر و الدول النامية
احنا عندنا خيرات كتيرة اوي بس للأسف مش بنستغلها صح
أجمل فترة في حياتة الانسان فترة شبابه
الي فعلا بيكون فيها قادر على انه يعمل اي حاجة
بس للأسف مش الكل بيعمل
ليه الواحد حتى ولو كان كليته صعبة مثلا
مش يحاول يشتغل و هو فيها
مش يحاول يعمل علاقات ... ماهو لو عمل كدة هيبقى سهل بعدها انه يلاقي شغل و شغل كويس
احنا دايما بنبص ورانا
ولو باصين ادامنا
بنبص بس بنحلم مش اكتر
بنحلم بتحقيق احلامنا و احنا ثابتين مش بنتحرك
كل واحد يتهيأله انه حقق كل الي نفسه فيه وهو اعد
لآ احنا لازم البطالة الي عندنا دي احنا الي نمحيها
مش الحكومة لوحدها
لو كل انسان فينا عنده مبدأ و فكر ليه مش يستغله في مساعدة نفسه و الناس
لو كل واحد بيحب حاجة لازم يجري وراها
لو مش معاه مليم
لازم يجري وراها
حاول يبقى مثلا بيك علاقاتك
حاول حتى لو اهلك ناس مش عندهم علاقات جامدة او مش معاك واسطة
حاول تحقق نص من احلامك وانت في الكلية
دي اجمل مرحلة في العمر
كلها شباب و صحة و حيوية
جايز بعد كدة تنشغل بحاجات تانية
اما تكبر
لازم تحقق ولو جزء بسيط من حلمك و انت في السن دة
سن الشباب
و بعدها لما تتخرج
هتلاقي الدنيا بتضحكلك
مش هتلاقي نفسك مش لاق يالي يصرف عليك
لا بالعكس هتلاقي نفسك سعيد و مبسوط اووووي
انك حققن حاجة و هتبدأ تجري وراها
لانك اما تحققها و انت في الكلية و سن صغير
هتلاقي حافز انك تكملها و انت كبير
No comments:
Post a Comment