الحياه المصرية زمان كانت جميلة اوي و كان معظم الناس فيها عايشين
الحياه الاسلامية الشرقية بجد
دلوقت احنا عايشين في مجتمع مصري بس للأسف مش مجتمع مصري صافي
لا .. مجتمع مصري اوروبي غير مسلم
و طبعا القلة القليلة فيه هي الي عايشة لسة في جذور المجتمع المصري الحقيقي
اللي اي مصري لازم يعيش فيه
دلوقت البنت و الولد بقت الصداقة بينهم مش صداقة عادية
... الصداقة بقت بتجر معاها غلط
دلوقت العائلات بقت فري شوية
و يقولك آل ايه حرية شخصية
طب ايه معنى الحرية الي تخلي الناس تغلط بالشكل دة
سايب لهم الحبل على الغارب و هما عايشين حياتهم
واما يجيلهم مشاكل تعاقبهم
طب ما تعاقب نفسك الاول
احنا دلوقت عايشين في اذهان اوروبا
اخلاقها .... تقاليدها و طبعا مش كلنا و انا مش ببالغ
انا بشوف الاشكال الي بتعمل كدة بنفسي ادامي في الجامعة في الشارع
في الكافيهات في الحدائق في المصايف في النوادي
كل النماذج دي موجودة فعلا في المجتمع
عارفين احنا اخدنا من امريكا واوروبا الحاجات الهايفة
دلع الشباب و فساد اخلاقهم
لكن للأسف ماحدش فكر انه يتعلم منهم الشغل الجاد
الشغل اللي يجيب انتاج بجد
احنا عايشين في اذهان التخلف
متقدمين في اخلاقنا الفاسدة
ومتخلفين في الانتاج ووسائله
طب ليه مش نحاول نقلدهم في الكلام دة
الحياه المصرية دلوقت بقت حياه مصرية ضعيفة لانه بيغلب عليها الطابع الاوروبي
في التفكير و المنطق و التعاملات
لكن العمل و الانتاج ماشوفتش الصراحة
ربنا يا جماعة بدأ يبعت لنا الي ينتقموا مننا بجد
سفاح المعادي .. جواسيس .. الحاجات الي بتحصل في طابا
الاغتصاب للبنات.. القتل .. التحرش عموما
حاجات كتير اوي
و احنا للاسف اما بنشوف الحاجات دي بنقول ليه يا رب
و مش بنشوف النعم اللي ربنا اداهالنا
لا بنشوف الحاجات الي ربنا بينتقم مننا فيها
لازم الجزء الحلو في المجتمع و الجزء الكويس بجد لازم يعمل حاجة
على الاقل اما ينجب يحاول يربي ولاده و بناته على تقاليد شرقية اسلامية
و الحرية تكون موجودة بس بحدود
لكن للاسف الحرية دلوقت بقت عادي
البنت زمان كان اخرها في بيتها 10 ولا حاجة
دلوقت ممكن تبات برة عادي
و باباها كنتي فين ياحبيبتي كنت عند صحبتي
عادي الموضوع دة بقة عادي خالص عايشين في اوروبا
بتكلمي مين في التليفون دة صاحبي يا بابا
مين الي وصلك بعربيته دة صاحبي يا بابا
بس الوقت متأخر يا حبيبتي .معلش يا بابا يعني كنت اخود تاكس
لأ . طبعا
ههههه
حاجات كتير بقت بتحصل و الله الواحد مش عارف يقول ايه عن الي احنا فيه
احنا بنسهر و نضحك بس
لكن نشتغل لأ
اخدنا الحاجات السيئة الي لما نعملها نقول هي دي الحرية
و الحاجات الحلوة اللي بجد تخلينا بني آدمين مش بنحاول نفكر فيها
ولا نجربها
ربنا ادانا نعم كتير اووووووووووي
لازم نستفيد بيها قبل ما يفوت الاوان
بسم الله الرحمن الرحيم (( و ان تعدوا نعمة الله لا تحصوها ))
صدق الله العظيم
Subscribe to:
Post Comments (Atom)
No comments:
Post a Comment