طبعا كلنا عارفين الحادثة الي حصلت في وسط البلد
في القاهرة
ادام الأمن والأمن مش اتحرك حتى و لا دافع
طب تعالى نسأل نفسنا سؤال ؟؟
هي دي ثورة الشعب اليومين دول و لا ايه ؟؟
في ناس بتقول دي مظاهرة لان البطالة زادت اوي
و الشباب مابقاش وراه حاجة غير شرب الحشيش و البانجو و ما شابه ذلك بقة من مخدرات
طب لو دي ثورة فعلا ؟
يعني البنت محرومة انها تنزل الشارع
حاجات كتيرة اوي بقت بتحصل
حتى عندنا في اسكندرية
حوادث اغتصاب و سرقة بطريقة فظيعة
الشاب يبقى راكب اجمد عربية و يخطف البنت و يسرقها و يغتصبها
ويغتصبو الستات الكبار
و البنات الصغيرين
و يسرقوهم ............................... طب هو دة اسمه العدل
و دة يبقى تفسيره ايه عند الشباب دول ؟؟ ان الناس جاعت و مش لاقيين فلوس؟
طب اشتغل و اتكسف على دمك
اشتغل اي حاجة
كفاية البنات الي مالهاش ذنب بيتنهك عرضها و بيتسرقو
في موقف حصل .... انا مش كنت ناوية احكي عليه بس مضطرة
في واحدة اعرفها اتخطفت و كانت دخلتها بعد يومين مش حد لمسها بس اتسرقت
جوزها طلقها و الناس كلها بتتكلم عليها
طب تفتكرو دي هتتجوز تاني؟؟
و2 اصحاب اخوية اتثبتو و اتاخد منهم موبايلين تمن الواحد فيهم يوم ما ينباع مستعمل 3 الاف
هي دي بقت بلادنا المفروض ان احنا نسيبها و لا ندور على حل؟
انا عايزة اقول حاجة لشباب مصر
او شباب مصر الي هيشوفو كلامي دة
تفتكرو ان الي انتو بتعملوه دة ليه حل
؟؟
مش خايفين الا تكون اختك امك بنت خالتك خطيبتك صديقتك من البنات دي
لو جرالهم كدة ؟؟ هيبقى ايه شعورك ساعتها
هتعد تشرب حشيش برضه
يالا جاتكو نيلة اتنيلو على خيبتكم زاكرو و لا اشتغلو و لا شوفو هتعملو ايه
بس ابعدو عن بنات الناس
No comments:
Post a Comment