الحياه ساعة .... ساعة وحدة
عمر الانسان بيجري فيها
اما الواحد بيكبر مثلا يكمل 20 سنة ولا 30 سنة يقول انا عمري كبير
لا بالعكس
طول ما انت بتكبر عمرك بيقل
مش بيزيد
تقريبا معظم الناس ظهر عندهم الانحلال
ماحدش بيعمل حاجة لاخرته
الكل ناسي الاخرة و ناسي عذاب ربنا و عذاب القبر
طب افتكر .
افتكر يوم ما يغسلوك و بعدها يكفنوك و يرموك لوحدك
لا قريب ولا غريب هيفيدك ساعتها
و ماحدش هينزل معاك
ولا حد هيعد فوق قبر
هتبقى لوحدك في وحشة القبر و الضلمة ... و العذاب
افتكر اما القبر يتقفل عليك وبعدين يضيق يضيق حد ما يكسر عضمك
لو انت عملك كويس هتحس انه لما يضيق بيحضنك ام بتحضن ابنها
لكن بالفسق الي انت بقيت فيه دة هتحس ان حد بيكسرك
و هتحس بالآلام
لازم نعمل حاجة لاخرتنا
كل بني آدم مننا ربنا اداه طاقة او موهبة
لازم يستغلها في الصح .. عشان دي رسالته في الحياه
و من غيرالرسالة دي
يبقى انت اسلمت لله بس مش عملت حاجة في دنيتك
ربنا خلقنا عشان الرسالة دي و عشان نعبده
الرسول عليه الصلاة و السلام كانت رسالته نشر الاسلام
لازم كل واحد فينا ينشر دينه بجنب رسالته في الحياه
الي عنده لباقة يكتب في الصحافة و يكتب قصص
الي بيحب الشعر يكتب شعر
الي بيحب الهندسة يبقى مهندس
لازم نعمل حاجة لدنيتنا
و نتقي الله
الفسق بقة كتير اوي.. لازم نحاول نبقوا احنا الي كويسين
No comments:
Post a Comment