انا الموضوع الي هتكلم فيه دة
حاجة قولتها و حسيت ان الرد عقاب ليا
انا بحب السينيما اووووووووي اوي اوي اوي
بحب ادخل سينيما كتير
جايز السنة دي في ظروف مش عرفت ادخل الافلام بتاعة العيد
بس كل سنة بخلص كل الافلام في السينيما
اعتقد ان دي مش هيافة
؟
ناس كتير بتدخل السينيما عادي تسلية تضييع وقت
عايزين يضحكو
او يشوفو مناظر مش كويسة
أنا بحب ادخل عشان القضية بتاعة الفيلم
وبحب اوووووووي الافلام الرومانسية بحبها جداااااا برغم ان دي مش فيها قضية
فيلم زي فيلم يعقوبيان مثلا:: مش هنكر ان في حاجات كتيرة اوي مش كويسة و مشاهد وحشة اوي مش ينفع حد يشوفها
بس في النهاية العقل داخل يتفرج على المشاهد و يسمع الالفاظ ولا داخل يشوف القضية
انا بالنسبة لي ولعقلي القضية
قضية الفيلم حلوة اوي
نماذج موجودة في المجتمع و احنا لازم نؤمن بوجودها
افلام ايناس الدغيدي مثلا :: ماهي فيها بلاوي و مشاهد نيلة نيلة نيلة
و الفاظ وحشة جداااااااااااااااااااا
زي فيلم كلام الليل برضه بيكشف نماذج المجتمع
فيلم اسرار البنات :: بيعلم البنت حاجات برضه في حياتها
افلام كتيرة.. اوي بيبقى الهدف منها كويس
مهما الطريقة الي اتقدمت بيها مش كويسة
مش معنى ان الواحد بيدخل سينيما يبقى هو كدة غلطان
طب ما المناظر دي هيشوفها هيشوفها في التليفزيون او في السينيما
يعني كلها شاشة عرض واحدة
بس الفرق ان شاشة السينيما اكبر و احسن على الاقل بتشوف الفيلم قبل ما غيرك يشوفه
وانا السينيما هوايتي
وبحبها اوووووووووووووي
وبحب الافلام الكوميدية بس لو لاقيت ليها بديل بدخل البديل دة
الاكشن... الرومانسي .......و يا سلام لو فيلم سياسي
او فيلم درامي
دي الافلام الهادفة
ماليش دعوة بالنماذج الي بيقدموها ولا ازاي بيقدموها
لان مش في غيرهم هيوافق عليها
ابقى انا كدة غلطانة؟؟
ما انا كدة كدة هشوف الفيلم
او هشوف الي زيه بس على قديم
ماعتقدش اني غلطانة
No comments:
Post a Comment